လူရယ်လို့ ဖြစ်လာရင် သံယောဇဉ်ဆိုတာ ရှိတက်ကြတာချည်းပါပဲ။
မိသားစု သံယောဇဉ်၊ မောင်နှစ်မ သံယောဇဉ်၊ သူငယ်ချင်း သံယောဇဉ်၊ ချစ်သူ ရည်စားအပေါ်ထားတဲ့ သံယောဖဉ်……..
နောက်ဆုံး အိမ်မှာမွေးထားတဲ့ ခွေးလေးတွေ ကြောင်လေးတွေ…..အတွက် သံယောဇဉ်.။
ဘယ်သူမှတော့ သံယောဇဉ်မကင်းတက်ကြပါဘူး။
အဲဒီအထဲမှာ ကိုယ်ကပဲ ပိုလို့ သံယောဇဉ်ကြီးတက်တဲ့သူပဲလားတော့ မသိဘူးဗျ။ အမြဲ သွားပိုးစားခံရတယ်။
ကိုယ်ကလဲ ကိုယ်ပါပဲလို့ ပြောရမှာပါပဲ…။
လေးယောက်ပဲ ရှိတဲ့ မိသားစုလေးမှာမှ မိဘကို ဘယ်လောက်အထိ သံယောဇဉ်တွယ်လဲ ဆိုရင်………
မိဘနဲ့ ခွဲပြီး ညအိပ်ခရီးဆိုတာ တစ်ညထက်ပိုပြီးတော့ အသက်(၂၀)အရွယ်အထိ မသွားဖူးဘူး။ မသွားနိုင်ခဲ့ဘူး။
ကျောင်းတက်ဖို့ဆိုပြီးတော့ ပထမဆုံးအကြိမ်အဖြစ်နဲ့ မိဘနဲ့ အချိန်ကြာကြာ ခွဲနေရတာ အသက်(၂၀)ကျော်မှလေ။
သုံးယောက်ပဲ ရှိတဲ့ တိုက်ခန်းကျဉ်းကျဉ်းလေးရဲ့ အောက်ထပ်မှာ ညီမလေး မသိအောင် မျက်ရည်ကျ ၀မ်းနည်းတဲ့အထိကို မိဘကို သံယောဇဉ်တွယ်ခဲ့တာ။
အငယ်ရဲ့ရှေ့မှာ ကိုယ်က အဲလိုမဖြစ်သင့်ဘူးဆိုတဲ့ အသိနဲ့ ထိန်းနေရပေမယ့် မေမေနဲ့ဖေဖေ့ကို လွမ်းလို့ စိတ်ဓါတ်တွေ ပြိုလဲခဲ့တာက အကြိမ်ကြိမ်။
သာမန်ဖျားတာလေးကိုတောင် ဖုန်းဆက်ပြီး ပြောတက်ခဲ့တာ၊ ကျောင်းမှာ သူငယ်ချင်းတွေက ဘယ်လိုဆိုတာကအစ မေမေ့ကို ပြောချင်ခဲ့တာ။
အငယ်လေးက မိဘနဲ့ခွဲနေရလို့ တစ်ခါတစ်ခါ လွမ်းတက်တာက လွဲရင် ကိုယ်လို မဖြစ်တက်ဘူးဆိုတာလဲ သိနေတယ်။
ကိုယ်ကိုက သံယောဇဉ် ကြီးလွန်းနေတယ်ဆိုတာလဲ သိနေတယ်။ ဒါပေမယ့် မလျှော့နိုင်ခဲ့ဘူး။
ရလဒ်ကတော့ အိမ်ကိုပဲ ပြန်နေချင်ခဲ့တဲ့အတွက် ပြန်နေခဲ့တဲ့အတွက် သင်တန်းတွေ၊ သူငယ်ချင်းတွေ၊ အခွင့်အလမ်းတွေနဲ့ မျက်ခြေပြတ်ခဲ့ရတာပဲ။
…………………………………………………………………………………………………………………………………………………
သံယောဇဉ်ထားတယ်ဆိုတာကလဲ တစ်ဖက်လူက ကိုယ်လိုမဟုတ်ရင် အတော်ခံစားရတက်တဲ့ အရာပဲဗျ။
ဥပမာ…………….
တစ်ဦးတည်းသော ညီမလေးဗျာ။ သူ့သံယောဇဉ်နဲ့ သူနဲ့ကျောင်းအတူတူ တက်ချင်လို့ဆိုပြီးတော့ လာခဲ့တဲ့ မန်းလေးပါ။
စရောက်တဲ့ ပထမဆုံးညမှာပဲ အဲဒီသံယောဇဉ်ဒဏ်ကို ခံစားရတာပဲဗျ။
အိပ်မယ်ဆိုပြီး အပေါ်ထပ်ကို တက်တော့လေ…….. သူက သူ့သူငယ်ချင်းမနဲ့ အိပ်နေတာ။
သဘောကတော့ ကိုယ်က တစ်ယောက်တည်း အိပ်ရမယ်ပေါ့။
မပြောရက်၊ မဆိုရက်ဆိုတော့လဲ ခြင်ထောင်ထဲမှာ တိက်တိက်လေး ငိုရတာပေါ့လေ။
အင်း……. သူကတော့ ခံစားမိမယ် မထင်ပါဘူး။ သိခဲ့လိမ့်မယ်မဟုတ်ဘူးလို့လဲ ထင်ပါတယ်။
ဒါလဲပဲ ကိုယ်က သံယောဇဉ်ကြီးမိတဲ့ အပြစ်ပါပဲ။ သူလိုသာ သံယောဖဉ် နည်းပါးခဲ့မယ်ဆိုရင် ငိုစရာ ဘယ်ရှိမလဲလေ။
သိပေမယ့်လည်း သံယောဇဉ်ဆိုတာ ဖြတ်ရခက်တဲ့ အမျိုးပေပဲဗျ။
အခုအချိန်ထိ ကိုယ့်ရင်ရိပ်ရဲ့ အဝေးမှာ သူ့ဘ၀နဲ့ သူ ဖြစ်နေတဲ့တိုင်…….
မနက်၊ မနက် အိပ်ယာမှ နိုးပါ့မလား။ မနက်စာကို စီစဉ်ပေးတဲ့သူ မရှိရင် စားဖြစ်ပါ့မလား။ ကျောင်းမှာရော သူငယ်ချင်းတွေနဲ့ စိတ်ကောက်နေမလား။
ထီးယူဖို့ မိုးကာဝတ်ဖို့ ပျင်းတဲ့သူကို မိုးရွာတဲ့အခါ နောက်ကနေ လိုက်ပေးတဲ့သူ မရှိတဲ့အခါ မိုးမိနေမလား။
အခန်းထဲတင် ဖြစ်ပေမယ့် ညဖက်ရေအိမ်ဝင်တဲ့အခါ လိုက်ခဲ့ပေးတဲ့သူ မရှိခဲ့ရင် ကြောက်နေမလား။
………..မလား။ …………မလား အတွေးတွေနဲ့ စဉ်းစားမိတိုင်း သွေးတိုးလာတဲ့အထိ ပူနေမိတယ်။
ဒါလဲ ကိုယ့်ဒုက္ခ ကိုယ်ရှာတာလို့ ပြောရမှာပဲပေါ့လေ။ သံယောဇဉ်ကြီးတာကိုး။
……………………………………………………………………………………………………………………………………………………………
နောက်……….သူငယ်ချင်းတွေ……….။
မူလတန်းကနေ ခုအတန်းအထိ မြို့နှစ်မြို့၊ ကျောင်းခြောက်ကျောင်း သင်တန်းပေါင်း များစွာ ပြောင်းတက်ခဲ့ပြီးပါပြီ။
ဘယ်ကျောင်း၊ ဘယ်သင်တန်းက သူငယ်ချင်းနဲ့မှ အတွဲမပြတ်ခဲ့ဘူး။ မောင်နှစ်မနည်းတဲ့သူဆိုတော့ သူငယ်ချင်း မင်တယ်ဗျ။
စိတ်ခဏခဏ ကောက်တက်တာက လွဲရင် သူငယ်ချင်းတိုင်းရဲ့ အပေါ်မှာ တော်တော်လေး ခင်တက်တာ။
မေမေ ပြောသလိုဆိုရင်တော့ အိမ်ကျယ်။ အိမ်မှာသာ အသံကျယ်တာ။ သူငယ်ချင်းနဲ့ဆိုလို့ကတော့ မုန့်ပေးပေါင်းတက်တဲ့သူပေါ့။
လူ့အပိုင်းအခြား အသက်ကိုသာ ကျော်တော့မယ် ခုထိ မရင့်ကျက်နိုင်သေးဘူးလို့ ပြောရင်လဲ ခံရမှာပဲ။
သူငယ်ချင်း သီချင်းတွေကို ကြားတိုင်း၊ ကျောင်းတော်ကြီး သီချင်းကို ကြားတိုင်း၊ သူငယ်ချင်းတွေနဲ့ ခွဲရတိုင်း ခုထိ ငိုမိတုန်းပဲလေ။
ဘယ်လောက်ပဲ ခင်မင်ပါစေ အချိန်တန်တော့ ကိုယ့်ဘ၀နဲ့ကိုယ် သူ့ဘ၀နဲ့သူ ဆိုတာ သိထားပေမယ့်လည်း……..
ချည်မိတဲ့ သံယောဇဉ်ကြိုးတွေကို မဖြည်ရက်နိုင်သေးဘူးလေ။
အိမ်ထောင်ကျသွားတဲ့ သူငယ်ချင်းတွေ တော်တော်များလာနေပြီ။ လက်ဖွဲ့ပို့ဖြစ်ပေမယ့်လည်း ဘယ်သူ့အခမ်းအနားကိုမှ မတက်ဖြစ်သေးဘူး။
နီးလာတာနဲ့ ခရီးထွက်သွားတာပဲ။ မခံစားနိုင်ဘူးဗျ။
ကိုယ့်အနီးကနေ သူငယ်ချင်းက ထွက်သွားတော့မှာ၊ အရင်လို ငါနဲ့သွားအတူ၊ လာအတူ လုပ်နိုင်တော့မှာ မဟုတ်ဘူး။ တဖြည်းဖြည်းနဲ့ ဝေးရတော့မှာ။ဆိုတဲ့ အတွေးတွေက နှိပ်စက်တယ်ဗျာ။
သူများမင်္ဂလာယူနေတဲ့ အချိန် ကိုယ်က သွားငိုနေလို့လဲ မကိုက်သေးဘူးလေ။
ဒီတော့ ရှောင်နေရတာပေါ့။ (မျောက်မလေး နားလည်နိုင်ပါစေ)
ဒါက သဘာဝပဲ ဆိုတာ သိတယ်။ တစ်ချိန်မဟုတ် တစ်ချိန်ကြုံရမယ်ဆိုတာလဲ နားလည်တယ်။
ခက်တာက သံယောဇဉ်ပဲ။ သူနဲ့ပဲ အမြဲ အခက်တွေ့တွေ့နေရတာ။
………………………………………………………………………………………………………………………………………………………………….
နောက်……မမြင်ဖူးတဲ့ အွန်လိုင်းက သူငယ်ချင်းတွေ။
စာလေးတွေ ရေးရင်း စာလေးတွေ ဖတ်ရင်း ခင်ခဲ့ မင်ခဲ့ကြတာ။ အစကတော့ မသိသာဘူးဗျ။
အဲ….. တစ်ယောက်ယောက်များ နေမကောင်းဖြစ်တယ်တဲ့ ဆိုရင် ဘာမှလုပ်မပေးနိုင်တဲ့နေရာကနေ ပူရပြန်ပြီ။
နွေးနွေးထွေးထွေးနေရဲ့လား….. ရာသီဥတုက ဒီလောက်အေးနေတာကို ခြေအိပ်စွပ်ထားမှပေါ့…….
ချောင်းတွေဆိုးနေတာလား……….လျက်ဆားလေးနဲ့ သံပုရာသီးလေး ဖျော်သောက်လိုက်လေ……..
အာ ထမင်းတွေ မစားသေးနဲ့ဦး……….. အဖျားရှင်းမှ စား………….
ဒီနေ့ ဘယ်လိုနေသေးလဲ…….အဖျားကျရဲ့လား…….. ချောင်းရော ဆိုးနေသေးလား………..
သူငယ်ချင်းတစ်ယောက်ကတော့ မနေနိုင်လို့ ၀င်ပြောပါရဲ့
” နင် မွေးထားတဲ့ သားသမီးတွေ မဟုတ်ဘူး. အဲလောက်ပူမနေနဲ့”တဲ့။
ကိုယ်မွေးထားတာ မဟုတ်ပေမယ့်လဲ ပူမိတာပဲ။
စာမေးပွဲဖြေရတော့မယ် သူငယ်ချင်းဆိုလဲ……..ညဖက် ဖုန်းဆက်လို့ နိုးရပြန်ပြီ။
စာမေးပွဲတွင်းဆို ဘယ်လိုလေး နေနော်….. အိပ်ရေးပျက်မခံနဲ့တော့……. စာကို ဖတ်ရုံပဲဖတ်တော့…….။
အင်း …….. ကိုနီကိုကြီး နေမကောင်းဘူးဆိုပြန်တော့လဲ…..ဘာမှန်းမသိ ညာမှန်းမသိ ပူလိုက်တာပဲ။
ဘာမှမပြောဖြစ်ရင်တောင် သက်သာလားဆိုတာလောက်တော့ သူ့အ်ိမ်သွားချောင်းဖြစ်တယ်။ ဆုတောင်းပေးဖြစ်တယ်………။
မေဘုန်းမြင့်သော်နဲ့ လေတံခွန်တို့ စာမေးပွဲ ဖြေရမယ်ဆိုတော့လဲ ဘာစာမေးပွဲမှန်းမသိပေမယ့် စာမကျက်ဖြစ်မှာ ပူပြန်ရော…….။
လှိုင်လေးတစ်ယောက်ရော အစ်ကိုတွေ ကြားထဲမှာ ဆိုးနေတုန်းလား ပူမိတယ်…….။
မေကျော်တစ်ယောက်ကလဲ အရင်ကလိုပဲ စိတ်ထဲကစကား အပြင်ပြောမိတုန်းလား………။
ကိုချဉ်ပေါင်ခြံလဲ ဘိုင်ကျနေတုန်းပဲလား……….. ထမင်းမှ စားရရဲ့လား………
ထိုက်ထိုက်လဲ ဆိုင်ကယ်မောင်းကြမ်းတုန်းပဲလား…………
ကိုစောကြီးလဲ အသောက်ရမ်းတုန်းပဲလား………….
မလင်းရော အလုပ်မှာ အဆင်ပြေရဲ့လား…………..
ကြွက်စုတ်တစ်ယောက်ရော စာမဖတ်ပဲ ဂိမ်းပဲဆော့နေမလား….ဇာတ်လမ်းတွဲပဲ ထိုင်ကြည့်နေမလား……….
……………………………………………………………………………………………………………………………………………….
နောက်ဆုံးဗျာ…………
လမ်းထိပ်မှာ တွေ့နေကျ ခွေးလေးကို မတွေ့ရင်တောင် အနားက ကွမ်းယာဆိုင်ကို ၀င်မေးတဲ့အထိ…….
ဟိုဘက်အ်ိမ်က ကြောင်လေး မမွေးနိုင်လို့ အော်နေတာကို ခြေမကိုင်မိ၊ လက်မကိုင်မိနဲ့ မျက်ရည်ကျတဲ့အထိ……….
ကားလမ်းဘက်ကို သူ့သူထွက်ဆော့နေတဲ့ ကလေးတွေကို ပူပန်စိတ်နဲ့ ဆွဲမိတဲ့အထိ…………
စက်ထဲမှာ လချီကပ်နေတဲ့ ဗိုင်းရပ်စ်ကိုတောင် မသတ်ရက်တဲ့အထိ……..
အသုံးမ၀င်တော့တဲ့ စာရွက်အကြမ်းတွေကိုတောင် ဖိုင်စုစည်းထားတဲ့အထိ……….
ချန်ထားရစ်ခဲ့တဲ့ ချစ်သူရဲ့ စာအဟောင်းလေးတွေကိုတောင် မပစ်ရက်တဲ့အထိ………
……………………….သံယောဇဉ်ကြီးမိခဲ့တာပါ။
အဲလိုအချိုကြိုက်ခဲ့မိလို့လဲ ခုလို သွားပိုးစားခံနေရတာပေါ့လေ။
ဟုတ်တယ်။
သံယောဇဉ်ဆိုတာ သကြားလုံးတစ်မျိုးပဲလေ။ အချိုကြိုက်တဲ့သူဟာ တစ်နေနေ့မှာတော့ သွားပိုးစားခံရမှာ သေချာတယ်။
ရောဂါကို သိပေမယ့်လို့ ဆေးမရှိတဲ့အဖြစ်မှာ နောင်တကလဲ မရတက်တော့ ……….
အင်း သွားတော့ တစ်ချောင်းမှတောင် ကျန်မယ်မထင်……………။
သံယောဇဉ်ဆိုတာ သကြားလုံးတစ်မျိုးပဲ… အချိုကြိုက်တဲ့သူဟာ တစ်နေ့မှာတော့ သွားပိုးစားခံရမှာပဲမဟုတ်လား
Advertisement
