နန်းလေပြေနု

လူ တစ်ဥိးချင်း၊ တစ်ယောက်ချင်းစီဟာ ကိုယ်ယုံကြည်ရာနဲ့ ကိုယ် ရှင်သန်နေကြတယ် မဟုတ်ပါလားဗျာ ။
ယုံကြည်ရာ မတူညီကြတဲ့အတွက်.. ကိုးကွယ်ရာ ဘာသာတွေ ကွဲလွဲကြတယ်။
ထင်မြင်ယူဆချက်တွေ ကွဲလွဲတယ်……။ လက်ခံကျင့်သုံးပုံတွေ ကွဲလွဲတယ်…….။
နေထိုင်ကြီးပြင်းပုံ……… ရှင်သန်လှုပ်ရှားပုံ……. . ပြုမူပြောဆိုပုံတွေ ကွဲလွဲကြတယ်…….။
ဒါဆို ……… ယုံကြည်ရာတွေဟာ ဘာတွေများ ဖြစ်နေပါလိမ့်မလဲ……။
ဘယ်လိုလူတွေမှာ ယုံကြည်ရာ တူညီပြီး ဘယ်လိုလူတွေမှာ ကွဲပြားတက်သလဲ……။
ဘာကြောင့် တူညီပြီး ဘာကြောင့် ကွဲပြားရသလဲ…….။ ညဏ်မှီသလောက်တော့ တွေးကြည့်ရတော့တာပေါ့ဗျာ။
(မတွေးလို့လဲ မရဘူးလေ.. ဒွေးလေးတို့က အချွန်နဲ့မဟုတ်ဘူး သံစူးလုံးနဲ့ မထားတာကိုဗျ…:))

မိုးထက်အိမ်က တဂ်ထားလို့သာ မဖြစ်မနေ ရေးထားရပေမယ့် အဓိပ္ပါယ် နက်နဲကျယ်ပြန့်တဲ့ ခေါင်းစဉ်အတွက်
ခေါင်းကြီးတယ်ဗျာ။ ခေါင်းစဉ်ရဲ့ အဓိပ္ပါယ်အောက်က သွေဖယ်မသွားစေဖို့နဲ့ ကိုယ်ပေးချင်တဲ့ အရာကို စာဖတ်သူဆီ
ရောက်အောင်ပို့ဖို့ကို အတော်လေး ချိန်ဆပြီးတော့ သတိထားရေးထားရတယ်။ ကိုယ်ရေးတဲ့စာ ကိုယ်တာဝန်ယူရမှာကိုးဗျ။
ဘယ်လောက်ပဲကြိုးစားကြိုးစား လိုအပ်ချက်တွေကတော့ ရှိနေဦးမှာပါပဲ…
ရှေ့ကလူများဖြစ်တဲ့ မိုးထက်အိမ် နဲ့ ကိုပြည့်ဖြိုး တို့ရဲ့ အရေးအသားကို မမှီခဲ့ဘူးဆိုရင် ကိုယ့်ရဲ့ လိုအပ်ချက်တစ်ခုသာ ဖြစ်ကြောင်း
ကြိုတင် ၀န်ခံထားပါတယ်။

ယုံကြည်ရာ……….
စကားလုံးသုံးလုံးတည်းနဲ့ပဲ ကြိုက်သလောက် ချဲ့ကားတွေးလို့ရတဲ့ အရာပဲဗျာ။ ကဲ…… မိုးထက်အိမ်ရေ….
များလှစွာသော ကိုယ်ယုံကြည်ရာထဲက အရေးပါတယ်လို့ ထင်ရသော ယုံကြည်ရာတွေကို နည်းနည်း ချပြမယ်လေ။

နံပါတ်(၁)ကတော့ မိဘရဲ့ သားသမီးအပေါ်ကို ထားတဲ့ မေတ္တာစိတ်ပါ…..
လုံးဝကို ယုံမှားသံသယမရှိသင့်တဲ့ ယုံကြည်ရာတစ်ခု ဖြစ်ပါတယ်။
မဟာဖိုဝါဒသမားတွေက ပြောတက်ကြတယ်… မိန်းမတွေက မယုံရဘူးတဲ့….
တစ်ချို့သော အမျိုးသမီးဝါဒီတွေကလဲ ပြောတယ်… ယောင်္ကျားတွေက မကောင်းဘူးတဲ့…….
မကောင်းတဲ့ ယောင်္ကျားဟာလဲ သားသမီးအပေါ်မှာတော့ မေတ္တာထားနိုင်တယ်ဗျ။
ထို့နည်းတူ မယုံရဘူးဆိုတဲ့ မိန်းမတွေဟာလဲ သားသမီးအပေါ်မှာ သန့်ရှင်းတဲ့ မေတ္တာကို ပေးနိုင်ကြတယ်။
ချွင်းချက်ဆိုတာတွေကို ဖယ်ထားမယ်ဆိုရင်တော့ မိဘမေတ္တာဆိုတာကို ပထမဆုံး ယုံကြည်တယ်။

နံပါတ်(၂)ကတော့ သွေး………။ သွေးဘယ်လောက်ပဲ ကျဲကျဲ ရေထက်တော့ ပျစ်တယ်ဆိုတဲ့ စကား….။
အဲဒီစကားကို စပြောတဲ့သူက ဘယ်သူလဲဆိုတာ မသိပေမယ့် ကိုယ့်ကို ပြောခဲ့တာကတော့ ညီမလေးပါ။
တစ်ဝမ်းကွဲ အစ်မတွေနဲ့ စိတ်ကတောက်ကဆ ဖြစ်တဲ့အခါတိုင်း သူ ပြောတက်တဲ့ စကားလေးကို ..
လေးလေးနက်နက်နဲ့ ယုံတယ်။ ဟုတ်တယ်ဗျ။ ကိုယ်ကိုယ်ချင်း ဘယ်လောက်ပဲ ရန်စောင်ပါစေ……
ဘယ်လိုပဲ မျက်နှာကြော မတည့်ပါစေ…. သူများနဲ့ ယှဉ်လာရင်တော့ သွေးဆိုတာ စေးသွားတာပဲလေ။
ဒါကြောင့်မို့လဲ ဘေးပြောတာကို မယုံနဲ့ သွေးပြောတာကို ယုံလို့ ပြောကြတာပေါ့ဗျာ။
သို့သော်…. တကယ်ခင်လို့ သတိပေးမယ် ဆွေမျိုးအရင်းထဲက သစ္စာဖောက်တတ်တယ်ဗျ….
လို့ ကိုလေးဖြူ ပြောခဲ့တာကိုတော့ ချန်ထားလို့ မရဘူးပေါ့လေ… (အိုင်စီ ပရိတ်သက်ဗျ လာမငြင်းနဲ့း)

နံပါတ်(၃)ကတော့ ကြိုးစားနေတဲ့သူအတွက် အခွင့်အရေး အမြဲရှိတယ်ဆိုတာကိုပါ။
မမြင်နိုင်တဲ့ ကံကြမ္မာကြောင့် အခွင့်အရေးဆိုတာနဲ့ လွဲချော်ကောင်း လွဲချော်နိုင်ပါတယ်။
သို့သော် တစ်စိုက်မတ်မတ် လုပ်စဉ်အမြဲ ကြိုးစားနေမယ်ဆိုရင်…..
တကယ်လို့များ …. အခွင့်အရေးက တံခါးလာမခေါက်သေးခင်မှာ လိုတဲ့နေရာကို ပြည့်အောင်ဖြည့်ထားမယ်ဆိုရင်………..။
တကယ်လို့များ…. ကိုယ့်ရဲ့ လုပ်ဆောင်နိုင်စွမ်းကို အစွမ်းကုန်အသုံးချမယ်ဆိုရင်……..။
တကယ်လို့များ …… ယုံကြည်ရာ အနာဂတ်ကို အစဉ်အမြဲ ပုံဖော်နေမယ်ဆိုရင်……….။
အခွင့်အရေးဟာ တစ်ပတ်ပြန်လည်လာမှာပဲလို့ ယုံကြည်တယ်ဗျာ။
ကိုယ်ကြိုးစားထားရင် ကြိုးစားထားသလောက် ပိုကောင်းတဲ့ အခွင့်အရေးတွေ ကိုယ့်ကို စောင့်နေတယ်ဆိုတာ ယုံကြည်တယ်။

နောက်ဆုံး ကောက်ချက်ဆွဲကြည့်လိုက်မယ်ဆိုရင်တော့…………..
ခံယူချက်မတူတဲ့ လူတွေမှာ ယုံကြည်ရာတွေလဲ ကွဲလွဲခွင့်ရှိတယ်။ ကွဲလွဲနိုင်တယ်။
သို့သော်… ကိုယ်ယုံကြည်ရာကို အစွန်းရောက် လက်ခံမထားဖို့တော့ လိုမယ်။
အခြေအနေနဲ့ အချိန်အခါကို လိုက်ပြီး ယုံကြည်ရာကို ပြောင်းလဲယူသင့်ရင် ပြောင်းလဲယူရမယ်။
ကိုယ်ယုံကြည်ရာဟာ အမှန်တရား ဖြစ်ချင်မှ ဖြစ်နေလိမ့်မယ်…ဒါကြောင့် ပုံသေစွဲမထားသင့်ဘူး။
ကိုယ်ယုံကြည်ထားသော အရာဟာ ကိုယ်ထင်ထားသလို မဟုတ်ခဲ့ဘူးဆိုရင် အကြီးအကျယ်ခံစားရတယ်ဆိုတာ ကိုယ်တွေ့ဗျ။
ဒါကြောင့် ရောက်နေတဲ့ ကာလနဲ့ ဒေသ အလိုက် ကိုယ်ယုံကြည်ရာကို လိုတိုးပိုလျှော့ လုပ်သင့်တယ်။
လောကဓမ္မနဲ့ ဆန်ကျင့်တဲ့ ယုံကြည်ရာတွေကို နည်းနိုင်သမျှ နည်းအောင် ဆင်ခြင်သင့်တယ်။
ကိုယ်ယုံကြည်ရာသည် ကိုယ့်ဘ၀အတွက် အထောက်အကူပေးနိုင်တဲ့ ခွန်အားဖြစ်နေနိုင်သလို…….
ဘ၀အမှောင်ထဲကို အရောက်ပို့နိုင်တဲ့ တွန်းအားတစ်ခုလဲ ဖြစ်နေနိုင်တယ်…….. ဒါကြောင့်….
အစွန်းနှစ်ဖက်ကနေ လွတ်ကင်းပြီး လက်ရှိအခြေအနေနဲ့ ကိုယ်ယုံကြည်ရာကို ချိန်ခွင်လျှာ ညှိယူနိုင်မယ်ဆိုရင်…
အရာရာတော်တော်များများ အဆင်ပြေသွားလိမ့်လို့လဲ ယုံကြည်ထားကြောင်းနဲ့ အဆုံးသတ်ပါကြောင်း…..

(မိုးထက်အိမ်နဲ့ကတော့ ယုံကြည်ရာတူတာ များပါတယ်။ ဒါကြောင့်လဲ သူတော်ချင်းချင်း သတင်းလွှေ့လွှေ့ ပေါင်းမိတာပေါ့ဗျာ။
အစကတော့ သူနဲ့ အတူတူပါပဲဗျာလို့ ရေးမလို့ပဲဗျ။ သူက မရဘူးဆိုလို့ အဟဲ)
နန်းကလဲ ဒီပို့စ်လေးကို ကိုသစ်ကိုအား ဆက်တဂ်လိုက်ပါတယ်၊ (ကိုသစ်ကိုရေ ဗြမ္မာ့ဦးခေါင်း လွှဲပေးလိုက်ပြီနော်… )